ഫാന്‍

മണമില്ലാത്തൊരു പൂവാണേ
മധുവില്ലാത്തൊരു പൂവാണേ
മച്ചില്‍ തൂങ്ങണ പൂവാണേ
മൂവിതളുള്ളൊരു പൂവാണേ
മേലെ,പ്പൂവിതു ചുറ്റുമ്പോള്‍
മലര്‍ന്നുറങ്ങാന്‍ സുഖമാണേ

കട്ടില്‍

നാലു കാലുള്ളവന്‍
നാവനക്കാത്തവന്‍
നാമുറങ്ങീടുവാന്‍
നമ്മെ,ച്ചുമക്കുവോന്‍

ട്യൂബു ലൈറ്റ്

വെളുവെളെ മിന്നണ തീക്കട്ട
വെട്ടം തൂകണ,തീക്കട്ട

ചിരവ

നാക്കിനു ചുറ്റും പല്ലുണ്ടേ
ഊക്കന്‍ മുക്കിലിരിപ്പുണ്ടേ
ലാക്കിനു തേങ്ങാമുറി കണ്ടാല്‍
കാക്കിരി പൂക്കിരി പൊടിയുണ്ടേ..‍

ആളൊരിക്കലും കേറാത്ത വണ്ടി

ആളൊരിക്കലും കേറാത്ത വണ്ടി
ആയിരം കാലിലോടുന്ന വണ്ടി
ആളുതൊട്ടാല്‍ ചുരുളുന്ന വണ്ടി
ആരു ചൊല്ലും ഇതേതാണു വണ്ടി..?

ആമ

ചട്ടയണിഞ്ഞിന്നെങ്ങോട്ടാ..?
പട്ടാളത്തില്‍ ചേര്‍ന്നോ നീ..?

ചട്ടീം വാങ്ങീ വീട്ടില്‍ പോണോ..?
കട്ടിയുടുപ്പിതു തുന്നിച്ചോ..?

കളിക്കുടുക്ക, 1-15 ജനുവരി 1998

ഓട്ടോറിക്ഷ

കുണ്ടും കുഴിയും താണ്ടിവരും
വണ്ടു കണക്കൊരു കുന്ത്രാണ്ടം
മുന്നില്‍ ചക്രമൊരെണ്ണം താന്
‍പിന്നിലതെന്നാല്‍ രണ്ടെണ്ണം
ആളെക്കേറ്റണ മുണ്ടച്ചാര്
‍കുടുകുടു വണ്ടീ പേരെന്താ…?

കളിക്കുടുക്ക, 11 ജൂണ്‍ 1999‍

ക്ലോക്ക്‌

ടിക്‌ ടിക്‌ ടിക്‌ ടിക്‌ മന്ത്രം ചൊല്ലും
പെട്ടിക്കുള്ളില്‍ ചുറ്റുന്നോര്‍
നീണ്ടു മെലിഞ്ഞൊരു സന്യാസി
കൂടെക്കാണും ശിഷ്യന്മാര്‍
ഒന്നൊന്നായവരോടുമ്പോള്‍
ഒപ്പം സമയം പോകുന്നു

പാവക്കുട്ടി, ഏപ്രില്‍ 1999